تحية طيبه في المسيح / عزيزي الزائر : في حال رغبتم بالإنضمام إلى أسرتنا ينبغي عليك ، التسجيل أولآ بالضغط هنا حتى تتمكن من المشاركة معنا . الرب معك



 
الرئيسيةالبوابةالتسجيلدخول

شاطر | 
 

 لتكن مشيئتك - ارادة الله فى حياتى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Poula
عضو مميز
عضو مميز
avatar

الهواية :
مزاجي اليوم :

مُساهمةموضوع: لتكن مشيئتك - ارادة الله فى حياتى   الثلاثاء مارس 17, 2009 12:15 am

دوروا معايا
ايه هى ارادة ربنا فى حياتنا ؟؟ book book book

طيب نصلى thak thak thak

اردة الله
سالت سؤال لنفسى من زمان
ايه هى مشيئة ربنا ارادته ؟
ربنا عايز ايه منى ؟ رايدلى ايه ؟

بصراحه فى الاول كنت لازم ادور بنفسى على الاجابه
وعبثا بحثت ولم أجد الاجابه الكامله الشافيه

لأنى كنت بدور غلط او بمعنى اصح كنت بدور بعشوائية
كنت بدور بعشوائيه فى مقال مكتوب فى مجله او عظه عنوانها لتكن مشيئتك
كل اللى لقيته اجابات متقطعه

مش عيب فى المقال ولا العظه
لا ابدا
لأنى حصرت نفسى فى اجابات انا عاوزها

وبهدوء
ومن خلال قرايتى للكتاب المقدس قراءه عاديه جدا
لقيت الاجابة

عرفت ايه هى مشيئة ربنا
من خلال كل الأنجيل

مشيئة ربنا حاجه واحده بس

" خلاص الانسان "

ولقيت 3 آيات صريحه عن الموضوع ده

1- الله يريد أن جميع الناس يخلصون والى معرفة الحق يقبلون
2 - لأن ارادة الله هى قداستكم
3- الله يريد أن تصنعوا الخير

دا غير طبعا الآيات الكتير عن مشيئة ربنا فى حياة الانسان
يمكن نقول ان الكتاب المقدس كله بيحى قصة مشيئة ربنا وهى خلاص الانسان وكانت مشيئة واضحه وصريحه وعمليه فى حبه وخلاصه للجنس البشرى كله على عود الصليب

الله يريد ان تخلص وتكون معاه فى الفردوس والملكوت

ربنا هو اللى بيختار لك او انت سلمت حياتك ليه
وجيت بكل اختيارك وحريتك تسلم حياتك كلها فى ايديه

ربنا بيسمح ببعض التجارب للخير علشان ينفذ مشيئته اللى هى خلاصك لأنه بيحبك
ربنا بيختار لك العائلة اللى تتولد فيها بالتحديد علشان ينفذ مشيئته اللى هى خلاصك لأنه بيحبك
ربنا بيختار لك الحياة اللى تحياها فى بيئه معينه و ظروف معينه علشان ينفذ مشيئته اللى هى خلاصك لأنه بيحبك
ربنا بيختار لك الكلية والوظيفه والطرف التانى علشان ينفذ مشيئته اللى هى خلاصك لأنه بيحبك

بس هنا سؤال مهم ؟
لما ربنا هو اللى بيختار
ليه فيه شر
ليه فى اشرار
ليه فى مشاكل ؟؟؟؟؟؟؟

شوف فى البداية قلت ربنا هو اللى بيختار بس قبلا لو انت راضى وقتنع بمحبة ربنا
وواثق فيه ومؤمن بيه
وجيت بكل اختيارك وحريتك تسلم حياتك بين ايديه

طبعا ربنا ماخدش رايك فى وجودك من الاساس
ولا حتى العيله

بس طبعا ده من عظمة ربنا
لأن اعطاك الوجود من عدمه
احنا كنا صفر لا شئ لاوجود

وبقينا افراد ولنا وجود وكيان من العدم بقدرة ربنا الغير محدوده
وكمان وجودك فى عيلتك بيرجع لقدرة ربنا على الخلق والتناسل الطبيعى اللى خلقه فى البشر

وصدقنى حتى ولو شفت ناس مش مرتاحين مع اهاليهم صدقنى لو خيروا اى حد فى الكون بين اهله واى ناس تانيين
فى النهايه هيختار برده اهله

لأنه ببساطه نتاج طبيعى ليهم
يحمل نفس الصفات والشكل واللغة والوراثة

مشيئة ربنا مش بتقف عند حد معين او موقف معين
مالهاش حدود لكن معروفة - خلاص الانسان
ماينفعش نقول محدوده لأن الله غير محدود
لكن نقول محدده لأن الله واحد

حياة التسليم مش مجرد انفعالات فى لحظت بركه
شوية دموع مع ميطانيات فى صلوات عاطفية متقطعة غالبا بتكون لأجل طلبات شخصية

حياة التسليم بتيجى من اقتناع كامل وثقة وايمان تام
بمحبة ربنا وبقدرته
ومعرفة مشيئته

1 + 1 = 2
ربنا بيحبنى
ربنا يريد خلاصى
اذن يجب على ان احب الله
يجب على ان اطلب مشيئة الله
انفذ مشيئة الله ( القداسة وصنع الخير

لاتطيع مشيئتك البشريه
لا تمشى وراء اهوائك ومطامعك

أنت لاتعرف اين الصالح والصح
لكن الله يعرف

انت محدود لكن الله غير محدود

أعظم درس لحياة التسليم
هناك فى جسثيمانى
الابن راكع وبيعرق دم
ويصلى بعمق
للآب
يابتاه ان اردت ان تعبر عنى هذه الكأس
لتكن لا مشيئتى بل مشيئتك

يارب
وانا ايضل
لست بافضل

لتكن لا مشيئتى بل لتكن دائما مشيئتك

vvvv vvvv vvvv vvvv vvvv
الرجوع الى أعلى الصفحة اذهب الى الأسفل
http://www.facebook.com/home.php?#/group.php?gid=38416464069
beauty flower
عضو مميز
عضو مميز
avatar

الهواية :
مزاجي اليوم :

مُساهمةموضوع: رد: لتكن مشيئتك - ارادة الله فى حياتى   الثلاثاء مارس 17, 2009 1:17 pm

ربنا يتحنن ويعطي لنا حياة التسليم الكامل
"ولتكن مشيئة الرب وليس كمشيئتي"
شكرا ليك تأمل جميل
thanx thanx thanx

_________________

"نصيبي هو الرب هكذا قالت نفسي..من لي سواه ..وأيضا معه لا أريد شيئا..فهو كفايتي وكنزي...بل يزيد"
الرجوع الى أعلى الصفحة اذهب الى الأسفل
sasa
عضو مثالي
عضو مثالي
avatar

الهواية :
مزاجي اليوم :

مُساهمةموضوع: رد: لتكن مشيئتك - ارادة الله فى حياتى   الثلاثاء مارس 17, 2009 3:23 pm

يارب هارمى كل اتكالى عليك


وهسلم كل حياتى اليك


ميرسى يا بولا على التأمل الجميل


ربنا يعوضك

_________________




من عمق عمق الهاوية ******* من جوة قلب الظلام

محتاج تجينى يا ربى ******* محتاج تجينى اوام

محتاج تمد ايديك ******** تنادينى واجرى عليك

وتاخدنى بين احضانك ****** وارمى بحمولى عليك[/center]
الرجوع الى أعلى الصفحة اذهب الى الأسفل
In God We Trust
عضو مثالي
عضو مثالي
avatar

الهواية :
مزاجي اليوم :

مُساهمةموضوع: رد: لتكن مشيئتك - ارادة الله فى حياتى   الثلاثاء مارس 17, 2009 3:59 pm

عذرا يا بولا

لقد نقلت هذا التامل الرائع من منتدى اقوال الاباء الى منتدى الخواطر والتاملات الروحية

حيث ان منتدى اقوال الاباء مخصص لاقوال الاباء وممكن نتامل فى هذة الاقوال

لو فى اى اعتراض من حضرتك انا ارجعة تانى

_________________
الرجوع الى أعلى الصفحة اذهب الى الأسفل
RABENA.MAWGOOD
عضو مثالي
عضو مثالي
avatar

الهواية :
مزاجي اليوم :

مُساهمةموضوع: رد: لتكن مشيئتك - ارادة الله فى حياتى   الجمعة أبريل 03, 2009 1:53 am

ما ينفعش يقال عليه غير كلمه رائع
ربنا يبارك خدمتك بولا
وتقدر تنقل الفكر دا الى اطفالنا فى مدارس الاحد

_________________
الرجوع الى أعلى الصفحة اذهب الى الأسفل
http://www.facebook.com
 
لتكن مشيئتك - ارادة الله فى حياتى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: المنتدى المسيحى :: منتدي التأملات والخواطر الروحية-
انتقل الى: