علمنى يا رب

عضو مثالي الهواية : مزاجي اليوم :

علمنى زى ماداود قالك علمنى
انا بطلب منك
علمنى

علمنى افرح بك اكثر من فرحى بالاشياء والظروف

علمنى الهدوء والوداعه وانا لوحدى او مع الناس

علمنى ازاى ابطل الخطيه

علمنى ازاى اقول لا

علمنى الحكمه فى المواقف والظروف

علمنى امتى اتكلم وامتى اسكت

علمنى الكلام فى الوقت المناسب

علمنى مدينش الناس

علمنى اكون وديع زى الحمام وحكيم كالحيات

علمنى احب بجد وادى اعذار للناس بجد

علمنى اصبر وقت الشده

علمنى اطلب حقوقى اللى لى من غير مااجرح ولا اخد حق غيرى

علمنى ازاى اكبر فى تصرفاتى وكلامى ومحبتى للناس

علمنى الحق فى مشاعرى وحقوقى والتزاماتى

علمنى اكون حقانى

علمنى اكون بسيط فى كلامى وتصرفاتى واحلامى الارضيه

علمنى متكلمش على الناس بالسوء

علمنى احفظ لسانى " بابا حصينا على فمى "

علمنى اقبل النقد

علمنى وقت الضغط

علمنى اعيش خدام للكل ليك ولشعبك

علمنى احارب ابليس

علمنى اثق فى نفسى انا فى حاجات حلوه منك

علمنى مكنش عثره للناس ولا عثره لنفسى

علمنى اكون زيك لا اصرخ ولا اصيح ولا يسمع صوتى فى الشوارع

علمنى اتغير لو فى عيب مش حيمجد اسمك

علمنى امتى احزن وامتى افرح

علمنى ابتسم وعلمنى اضحك وعلمنى امتى ابكى

علمنى اراعى شعور الناس

علمنى الحريه بس الحريه اللى مبتجيش على حرية حد

علمنى احب اهلى ابى وامى واخواتى وشريك حياتى

علمنى الطاعه ليك ولوالدى

علمنى الخضوع للى لازم يجوز ليه الخضوع

علمنى اتنازل عن حقوقى لكن مقربش من حقك

علمنى ابذل نفسى مثلك

علمنى اتحمل الضيق والعالم والاشخاص

علمنى مكدبش ولا اغش حد

علمنى يعنى ايه الخير

علمنى حب الغير

علمنى ازاى انجح فى حياتى وبيتى وشغلى وخدمتى

علمنى معنى الرجاء والايمان

علمنى الالتزام ليك يارب ولكل واحد انا ملتزم امامه

علمنى ازاى اكبر فى قامة ملء المسيح

علمنى ازاى اقبل كل الناس الكويس والوحش زى ماانت قبلتنى
هو انا احسن من غيرى ؟

علمنى اتوب بعد كل موقف اغلط فيه

علمنى اقول انا اسف ليك يارب ولكل واحد غلط فيه

علمنى اسامح كل الناس ومتغبش الشمس على خصامى

علمنى احافظ على الاسرار

علمنى طولة البال

علمنى ازاى اكون دايما مستعد للقائك

علمنى ازاى اوفى الوعد

علمنى اكون ابنك ... علشان انا فعلا ابنك
انا فى حاجات حلوه منك

علمنى يارب .... علمنى

عضو مميز الهواية : مزاجي اليوم :

:kilo: :kilo: :kilo: :kilo: :kilo: :kilo: :kilo: :kilo: :kilo: :kilo: ربنا يعلمني كل شئ من عنده يكون...
كلمات رائعة..ربنا يعلمهالك ويعلمهالي وكل اولاده..
ربنا يسمع صلواتنا وتضرعاتنا هو اله رحوم وعطوف وحنون علينا جدا..
تقبلي مروري..

عضو مثالي الهواية : مزاجي اليوم :

مرسى بيوتى ربنا يبارك حياتك

علمنى يا رب 182508634

عضو مثالي الهواية : مزاجي اليوم :

علمنى اتحمل الضيق والعالم والاشخاص

جميل جدا يا بنت العدرا

تأمل بسيط جدا وجميل جدا

ربنا يعوضك

عضو مثالي الهواية : مزاجي اليوم :

أشكرك يا صاصا على ذوقك ومرورك الكريم