انا بكرهك

عضو مثالي الهواية : مزاجي اليوم :

طبعا عنوان الموضوع صعب اوى

تخيل نفسك كدة يجى حد ويقولك انا بكرهك والحد دا يكون قريب منك جدا اكتر من اى حد ف الدنيا دى

ممكن تعمل ايه

طبعا هتقول اكيد فى اسباب خليته يعمل كدة

طيب مش المفروض اى حد قبل ما يقول الكلمة دى يتأكد من الاسباب دى
تستاهل ان اقول لشخص قريب منك جدا انا بكرهك

طيب حط نفسك مكان الشخص الى تقالتله الكلمة دى
هتعمل ايه معاه ..مع انك مظلوم من دا كله وحتى الاسباب دى مش انت الى عملتها نهائى

ف هل ؟؟
هتواجه ..ولا هتسيبه لانه مش اداك فرصة تتكلم ..ولا هتسامحه
مع انه ممكن ما يسامحكش لانه حاطط الاسباب دى قدامه واستحالة هيبص ف وشك

يلا كل واحد يدخل ويقولى هتتصرف ازاى ف الموضوع دا لو حصل معاك

عضو مثالي الهواية : مزاجي اليوم :

لو الكلمه دى اتقالتلى من اقرب الناس ليا

انا هخدها منه بهدوء وهسيبه خالص لحد ما يهدى يومين تلاته اسبوع

ولما اتاكد انه هدى خالص

هروح وهعاتبه على الكلمه الصعبه اوى دى

وهفهمه الموضوع والدوافع اللى خلته يقولى كده وانى مليش يد فيها

وبعديها هو يكرر يسامح او لا

اما انا فهسامحه من غير كلام

لان زى ما انتى قولتى دة قريب ليا جدا

فمظنش ان العلاقه دى هتروح فى الهوى بسهوله كدة

اشكرك جدا على الموضوع

عضو مثالي الهواية : مزاجي اليوم :

أشكرك جدا على ردك وعلى سماحتك وطيبتك ربنا يباركك يا صاصا

طيب تعمل أية لو أنت روحت لة لغاية بيتة وهو قابلك مقابلة سيئة

ولم يرضى أن يخبرك أية اللى زعلة منك

حتى كلمة الاسف لم يقبلها برغم انكم كنتم أكثر من أخوات

عضو مثالي الهواية : مزاجي اليوم :

لو انا باقى على محبته وصداقته

هحاول معاه تانى واخل اب اعترافى فى الموضوع

ولو مستجبش يبقى خلاص هو اللى اختار البعد

عضو مثالي الهواية : مزاجي اليوم :

شكرا صاصا على ردك

المحبة لا تباع ولا تشترى ولكنها موجودة بداخل الانسان

فى ناس لا يحبوا ان يسامحوا الشخص لكن قادرين على جرح مشاعرهم فقط

أنا فى رأى أحاول مرة واحدة فقط أذا لم يوافق خلاص هو اللى أختارلانة لو كان رايد الصلح كان وافق

اللى بيتكسر مستحيل يتصلح حتى لو أتصلح بعد سنين هيكون فى شرخ كبير صعب التصليح لانة سوف يعلم طول السنين

لكن أكون مسامحة بينى وبين نفسى واتمنى لهم الخير واصلى من اجلهم واكون سعيدة لما يكونوا سعداء

عضو مثالي الهواية : مزاجي اليوم :

سلام ونعمه رب المجد مع الجميع

مرسى لموضوعك الجميل بنت العدرا

اكيد كل واحد مننا تعرض فى حياته من اصدقائه او اخواته او اقاربه الى مواقف مشابهه

ويحكم عليا القدر هذه الايام بان اعيش مثل هذه الحاله

فبقدر حزنى على بعدى عن شخصيه اعتبرها اختى

الا انك بموضوعك دا ادخلتى البهجه الى نفسى

فسوف اتحدث عن هذا الموضوع لعلها فى يوم من الايام تقراءه وتعرف انها ظلمتنى عندما000000000000000

قالت لى ان محبتى لها مش كبيره تعليقا منها على موضوع اقل ما يقال عنه انه تافه ممكن فى نظرى

نفترض انه كبير عندها

الصراحه اقول لكم حاجه

انا بحبها جدا وخلال معرفتى بيها بدر منها اشياء تزعل اى انسان على وجه الارض

وكنت اعدى حتى لا اذكر لها انى زعلت وذلك حتى تدوم الحياه حلوه

يعنى هاخد ايه لما اعاتبها كنت ازعل كدا مع نفسى يومين من غير ما اقول لها

واحاول التمس ليها العذر ودايما اقول انها طيبه وما تقصد تجرحنى

لكن

لما تيجى تقولى كدا على حاجه صغيره جدا
الصراحه صعبت عليا نفسى كتير

وحسيت اد ايه هى مش مقدره كل اللى انا فوته ليها

المفاجاه انى رفضت اقبل اعتذارها

الصراحه كنت متضايقه جدا

حاليا

انا شبه مبتعده عنها

ولكنى افتقدها بشده

ماذا افعل

فى انتظار رد كاتبه الموضوع بنت العدرا

انت ليكى موضوعات اجتماعيه كتير فى المنتدى
ورائيك كتير يهمنى

كذلك فى انتظار رد الاعضاء
اكيد كل منهم مر بتجربه مماثله

فى انتظار النصيحه
وان كان فى مقدورى سوف اعمل بيها

ا

عضو مثالي الهواية : مزاجي اليوم :

انا من راى انها اكيد مفتقداكى زى ما انتى مفتقداها ويمكن اكتر

وبدل هى جت واعتزرت ليكى

المحبه اللى بينكوا قادرة تنسيكوا اى حاجة

وتسامحوا بعض على اى حاجه

دة مش كلام فى وعظه لاكن دى حقيقه صدقونى

والعتاب بمحبه بين الاخوات والاصدقاء شىء مطلوب

وعلشان كدة ارجعى تانى ليها فى اسرع وقت ورجعوا علاقه الحب والصداقه والاخوة اللى بينكوا دى تانى

سواء انتى او هى مش مهم مين اللى يبدا

المهم ان المحبه متسقطش ابدا

ويابخت من وفق راسين فى الحلاال

عضو مثالي الهواية : مزاجي اليوم :

رسالتك حيرتنى فأنت تقولى أنكى تحبيها مثل أختك أسألى نفسك سؤال لو كانت أختك فعلت ما فعلتة صديقتك هل كنتى سوف تفعلى ما فعلتية

أكيد الاجابة لا

عدم قبول أعتذارها لكى أعطى لها أثر أنكى لا تحبيها أسألى نفسك لو كان حصل لها مكروة أو مرضت مثلا هل هتبادرى وتتمنى لها الشفاء

أنت تقولى أنها طيبة وأنا أعلم أن الطيبين ممكن يصدر منهم كلام لا يعرفوا أنة ممكن يجرح أحد أو يزعل منهم أحد لانهم لا يعرفوا التزويق فى الكلام فى رأيى ان العتاب بمحبة أجمل شىء

أنت تقولى أنكى تحبيها لو كنتى تحبيها على حد قولك كنتى تلتمسى لها العذر فى كل شىء ولا تتصيدى لها الاخطاء لان المحبة ترفق وتتأنى المحبة تحنو على الشخص اللى أمامك

منذ سنة تقريبا قرأت عن قديس كان يدرب نفسة على أن يلتمس العذر للناس ومهما قال لة أحد كان يعزرهم عاوزة الصراحة عجبتنى الفضيلة دى جدا وحاولت تطبيقها فى حياتى لكنى فشلت فشلا كبيرا لانى وجدت أن ما فى أحد يلتمس لى العذر

كل منا يخطىء ما فيش أنسان يعيش دون الخطأ والخطأ دة يجعلنا نفعل الصواب ونندم على ما فعلناة

يمكن أنت شخصيتك لا تحبى العتاب أما هى تحب أن تكون معكى بنفس صافية دى شخصيات

لو هى ظلمتك حقك هتأخذية من ربك الذى يعرف كل شىء وفاحص القلوب والكلى تأكدى أن حقك لا يضيع وأبيك السماوى لا ينعس ولا ينام

نصيحتى لكى أنت اللى أخترتى البعاد وأختارتى رفض أعتذارها أكيد هى مجروحة جدا الان سيبى الايام تدوى وتلتئم الجراح

بس مدام هى طيبة أكيد هى سامحتك وتأكدى أنها تصلى من أجلك وتتمنى لكى السعادة

كمان حاولى أن تحبيها لانك لو كنتى تحبيها كنتى سامحتيها بمجرد أعتذارها لكى

كلامك صح جدا يا صاصا مدام هى راحت أعتذرت لها أكيد هى بتحبها جدا ولها معزة كبيرة فى قلبها وكانت تتمنى أن تقبل أعتذارها وتسامحها لكن أكيد حبها كان أكبر من حب ربنا موجود

يا ريت نتعلم نسامح بعض ونغفر لبعض ليغفر اللة لنا سيئتنا

ربنا موجود حاولى تحبى صديقتك أكيد هى تحبك جدا لكن أكيد هى مصدومة جدا

عضو مثالي الهواية : مزاجي اليوم :

سلام ونعمه رب المجد مع الجميع

اشكر كل من اهتم بالرد صاصا وبنت العدرا

وردا لما كتبتموه انتم مجمعا ارد عليكم كالتالى

اكيد انا طالما بعاملها زى اختى يبقى كنت هعمل كدا مع اختى طالما ان الدوافع وراء هذا الموضوع واااحده

اعتب علي صديقتى انها لم تاتى للاعتذار بل جاءت لتكمل الخلاف
واستمرت فى الضغط عليا لدرجه انى قات لها انى كنت ازعل منها دائما دون ان اقول لها
ودا طبعا من محبتى ليها

بس تخيلى بنت العدرا هى ردت قالت ايه
ان انا انسانه بشيل فى قلبى و0000 ما علينا

طيب يعنى كنت اعمل ايه ما كنتش عايزه ازعلها ابدا

وهى لما اعتذرت اعتذرت بسخريه تامه وهذا ما ضايقنى

وبعد كدا لما عرفت عن طريق البعض ما كان بيزعلنى منها رغم انها حاجات لو كانت اتعملت معاها كان اكيد هتزعل

لم تكلف نفسها عناء الاعتذار

ولكن انا عن نفسى مسمحاها ومفتقداها جدا

وبالنسبه لردك صاصا

لا اقدر ان اذهب ليها لاسباب وحدها هى تعرفها

اتمنى انها فى يوم تقرا هذا الموضوع
وتعرف00000000000000000000000000000000000000000000000000

عضو مثالي الهواية : مزاجي اليوم :

مش عارف ليه انا حاسس بل متأكد من انها قراته

واكيد انتوا الاتنين الوقتى بتتعزبوا

بس ليه كل ده

ربنا قادر بالمحبه يجمعكوا تانى

عضو مثالي الهواية : مزاجي اليوم :

أكيد أنت فهمتيها غلط

هل دخلتى قلبها لتعلمى أنها قالتها بسخرية

مستحيل حد يقول أسف لحد بسخرية دة من وجهة نظرى

عارفة أنا مش من السهل أن أعتذر لحد مهما كان لانى لا أحب أن أزعل حد منى لكن ممكن أعتذر بطريقة لطيفة يعنى من خلال موضوع ما أو ما شابة ذلك
ولو أعتذرت بكون متالمة جدا

وأعتذارى بيكون لحد غالى عندى جدا دة عن نفسى

أكيد صديقتك لم تقصد ذلك لكن الشيطان صورها لكى أنها تسخر منك كلمة أسفة دى كلمة غالية جدا

ربنا قادر على كل شىء

وأكيد هى لها دوافع وأسباب

على رأى المثل اللى أتكسر مش بيتصلح حتى لو أتصلح هيكون فى شرخ بينك وبينها
الشرخ دة ممكن تداوية السنين المهم نكون متسامحين

المهم القلب النقى

ومعاكى لا تذهبى لها لان هيكون فى أثر عكسى لانها مجروحة ومصدومة فيكى

ما زلت أقول لكى المحبة تستر ولو كنتى تحبيها كنتى عاتبتيها بمحبة

دا ألهنا أسمة اللة محبة

وكفاية كلام فى الموضوع دة لانكم قلبتوا عليا المواجع

ربنا يسعدك يا ربنا موجود ويفرح قلبك الرقيق و تملى حياتك كلها سعادة وهناء فى حب ربنا

وشكرا أنك فتحتى لنا قلبك وتأكدى أن صديقتك بتفرح لفرحك وتأكدى هى لم تقصد تزعلك أبدا

دا أنت بتقولى انها طيبة أمال لو كانت شريرة كانت عملت فيكى أية

عضو مثالي الهواية : مزاجي اليوم :

اقتباس :: ومعاكى لا تذهبى لها لان هيكون فى أثر عكسى لانها مجروحة ومصدومة فيكى

شكرا على الرد والنصيحه اكيد هفضل فاكره نصيحتك دى على طوووووووووووووووووووول

عضو مثالي الهواية : مزاجي اليوم :

في الكتاب المقدس يقول معلمنا بولس الرسول

المحبة تتانى و ترفق المحبة لا تحسد المحبة لا تتفاخر و لا تنتفخ
و لا تقبح و لا تطلب ما لنفسها و لا تحتد و لا تظن السوء
و لا تفرح بالاثم بل تفرح بالحق
و تحتمل كل شيء و تصدق كل شيء و ترجو كل شيء و تصبر على كل شيء
المحبة لا تسقط ابدا
ربنا موجود انتى بتقولى انك مختلفة مع صديقة ليكى ذى اختك وهما الاخوات بيبعدوا عن بعض لا لا لا لا لا اعتقد
راجعى نفسك تانى من منطلق دينى ومسيحى اكيد هتغيرى رايك بالتاكيد الشخصية الى انا حستها فى المنتدىتقدر تتعمق فى اى مشكلة وتصل الى حل يرضى جميع الاطراف
امابنت العدرا ردك جميل على القضية المطروحة لكن عندى تحفظ انا لا اعترف بالابتعاد والتجنب والقلب مسامح مش معنا كدة انى مختلفة معاكى لكن خلينى اقولك حاجة صغيرة ودا مش ليكى لكن لينا كلنا
الى بيحب بجد بجد الى بيسامح بجد بجدمش بيتجنب تعالوا نيجى على نفسنا شوية علشان نتغلب على الشيطان شيطان الكبرياء والتجنب والاشياء الدنيوية احنا عاوزين ندخل الملكوت عاوزين ننقى قلوبنا ياريت كلنا نتعلم نقهر الافكار الدنيوية دى صدقونى انا ذيكم بالضبطويمكن اكتر منكم بمراحلولكن بكلامى دا انا بكلم نفسى اولا علشان لما ازعل مع حد ارجع اقرا الكلام دا وازعل من نفسى اووووووى وارجع للطريق الصحيح
نفسى كلنا نقدر نقول ابانا اللذى فى السموات من قلوبناوما نفش عند اغفر لنا ذنوبنا كما نغفر نحن ايضا للمذنيين الينا