ماهو الاسكيم ؟؟؟ وماهو تاريخه ؟؟؟ وماهى شروط ارتدائه ؟؟؟

عضو مثالي الهواية : مزاجي اليوم :

ماهو الاسكيم ؟؟؟ وماهو تاريخه ؟؟؟ وماهى شروط ارتدائه ؟؟؟

هناك نوعان من الاسكيم ( حسب الدراسة التى اعدها نيافة الانبا متاؤس):

( 1 ) الاسكيم الصغير : ( leather - belt )
ويتكون من منطقة ( حزام من الجلد ) يتمنطق بها الراهب عند بدء رهبنته لتساعده على النشاط والصوم وعمل الميطانيات ( الركعات والسجدات )

اى " الاجتهاد فى الخدمة والعبادة " كما قال القديس دورثيئوس والقلنسوة التى تغطى رأسه تشير إلى روح البساطة ( لانها تشبه غطاء رأس الاطفال ).

وبها 12 صليبا وترمز للفضائل الاثنى عشر التى يجب أن يتحلى بها الراهب

وهى الايمان ، الرجاء ، المحبة ، الطهارة ، البتولية ، السلام ، الحكمة ، البر ، الوداعة ، الصبر ، طول الروح ( الاحتمال ) والنسك ( الزهد )

وأما الطرحة التى تتدلى منها فتشير إلى طرح الراهب العالم وراء ظهره ( لو 9 : 62 )

( 2 ) الاسكيم الكبير : holy - shape

عندما يبلغ الراهب درجة عالية من النسك يصير راهبا ( إسكيميا ) " من الكلمة اليونانية eskima " ( اى الشكل المقدس )

ويوهب له الاسكيم وهو عبارة عن قطعة من الجلد المضفور ضفيرتين به 12 صليبا ( رمزا للفضائل الاثنى عشر السابقة )

وعندما يلبسه يحيط بصدره وظهره ( ويخلعه عند النوم )

وله طقس خاص بصلوات كثيرة ويرشم أب الدير الاسكيم بالرشومات الثلاثة ويلبسه للراهب الناسك ويقول له :

" إلبس عليك خاتم عربون ملكوت السماوات ....الخ "

وقد ألبسه القديس أنطونيوس للقديس مكاريوس الكبير

وكان الانبا أنطونيوس هو أول من لبسه من يد ملاك الرب بأمر الهى ( مجلة الكرازة فى 16 / 2 / 1996 )

( 3 ) تاريخ الاسكيم :
لبسه الرهبان الاوائل ولهذا تسموا " لباس الصليب " ( staurohorus )
ثم صار لباس كبار النساك ( وكان يُختار منهم الاساقفة )

ثم أصبح أمرا شكليا إذ يحتفل بإلباسه للاسقف عشية رسامته

وقد ألغى قداسة البابا شنودة إلباس الاسكيم للاباء الاساقفة الجدد باعتبار أنه درجة رهبانية وليس درجة رعوية واستبدل به طقس " عشية الرسامة " على أساس أنه يصعب على الاساقفة أن يحيوا حسب طقسه

ولئلا ينقرض هذا الطقس قرر قداسة البابا أن يلبسه بعض رؤساء الاديرة بادئا بثلاثة منهم وهم:
نيافة الانبا صرابامون أسقف دير الانبا بيشوى العامر ( يناير 1996 )

ونيافة الانبا متاؤس أسقف دير السريان ( ابريل 1964 )

ونيافة المتنيح الانبا مينا آفامينا الاسقف السابق لدير مارمينا بمريوط ( سبتمبر 1964 )

( 4 ) شروط لبس الاسكيم :
ا - تلاوة كل سفر المزامير يوميا ( نهارا وليلا ) علاوة على التسبحة اليومية

ب - عمل 500 ميطانية يوميا

ج - الالتزام بالسكوت والصمت

د- قراءة الكتاب المقدس بكثرة مع قراءة سير القديسين ( حسب ارشاد اب الاعتراف )

ه - الصوم طول حياته ( مع الامتناع تماما عن اللحوم ) حتى الغروب ما عدا ايام الخمسين والسبوت والاحاد

و - التقليل جدا من الطعام والشراب حتى يصل للصفاء النفسى والذهنى والنمو فى الروحانية

عضو مثالي الهواية : مزاجي اليوم :

موضوع ممتاز جدا جدا

وانا اعرف راهب فى دير مارمينا لابس الاسكيم من الدرجه التانيه

كنت على طول لما بقعد فى الدير بحب اروحله واقعد اتكلم معاه

كنت برتاح جدا لما بتكلم معاه

وفى سنه رحت كالعاده علشان اشوفه واقعد اتكلم معاه

لقيته مش بيرد عليا بيبصلى ويبتسم بس

زعلت جدا

ومكنتش اعرف يعنى ايه اسكيم ده

لحد لما سئلت اب راهب تانى قولتله انا زعلان من ابونا فلان علشان رحت اتكلم معاه مرضاش يتكلم معايا

قالى هو لبس الاسكيم

وفهمنى بقى يعنى ايه اسكيم والطقس بتاعه

وعلى قد ما حزنت انى معتش هتكلم معاه على قد ما فرحت انى بس اشوفه بعد كدة بيبتسلمى الابتسامه الجميله بتاعته دى

ربنا يعوضك يا ربنا موجود على الموضوع الجميل

عضو مثالي الهواية : مزاجي اليوم :

مرسى ليكى الموضوع جميل خالص ومعلومات بجد قيمة ودى صورة للاسكيم

عضو مثالي الهواية : مزاجي اليوم :

شكرا لمرورك وردك صاصا
اكيد ابتسامه الراهب دا ليك
كانت تحمل كل الكلام اللى عايز يقولهولك

شكرا لمرورك ان جد
وشكرا لاضافتك الرائعه لصوره الاسكيم
بحثت عنها كثيرا وفشلت فى احضارها الى الموضوع
انتى دايما بتجيبى المستحيل
ربنا يبارك خدمتك